ഭാരതീയ കാവ്യശാസ്ത്രങ്ങളിലും കവി എഴുതുന്നത് തന്നെയാണ് കവിത. എന്നാൽ കവി ആരാണ് ? അത് ഋഷി മാത്രമാണെന്നാണ് ഭാരതീയ കാവ്യമീമാംസകൾ പറയുന്നത് .തീർച്ചയായതും അപ്പോൾ ക്രാന്തദർശിത്വം ഉള്ളയാൾ തന്നെയാണ് കവി .എന്നാൽ അത് രാജര്ഷി പോലെ ഋഷികവിയല്ല .ഋഷിത്വം ഉള്ളവൻ/വൾ എന്നുതന്നെ .ഏതൊക്കെ കവിതയല്ല ഏതൊക്കെയാണ് പ്രാർത്ഥനകൾ ,സ്തുതിയേത്, മന്ത്രമേത് എന്നൊക്കെ ഭാരതീയ കാവ്യമീമാംസകൾ അതി വിശാലമായും ഗഹനമായും ചർച്ചകൾ നടത്തിയിട്ടുണ്ട് ആനന്ദവർദ്ധനന്റെ 'ധ്വന്യാലോകം '. വിശ്വനാഥന്റെ 'സാഹിത്യദർപ്പണം ' ,മമ്മടന്റെ 'കാവ്യപ്രകാശം ' ,കുന്തകന്റെ 'വക്രോക്തിജീവിതം ' .ജഗന്നാഥ്പണ്ഡിതന്റെ 'രസഗംഗാധരം' തുടങ്ങി അനേകമുണ്ട് ആ ലിസ്റ്റിൽ .ഇവർ ആവിഷ്കരിച്ച അല്ലെങ്കിൽ പുനരാലോചിക്കുന്ന കാവ്യസിദ്ധാന്തമാതൃകകൾ പിൻപറ്റി നിർവ്വഹിക്കപ്പെട്ടവ മാത്രമാണ് കവിതകൾ എന്നൊന്നുമല്ല പറയുന്നത് .ഭാരതീയകാവ്യപാരമ്പര്യത്തിന്റെ ആഴവും പരപ്പും സൂചിപ്പിക്കുന്നേയുള്ളൂ .കടമ്മനിട്ടയെ മാത്രം വായിക്കുകയും ഭാരവിയുടെ 'കിരാതാർജ്ജുനീയം ' വായിക്കാനും മനസ്സിലാക്കാനും കഴിയാത്തതുകൊണ്ടുകൂടിയാണ് കടമ്മനിട്ട തിരുത്തി എന്നൊക്കെ പറയിപ്പിക്കുന്നത് .അവിടെ തിരുത്തലൊന്നുമില്ല കടമ്മനിട്ട ഉമാമഹേശ്വര കഥയെ ഉപജീവിച്ച് ഒരു നല്ല കവിത എഴുതി ,പൊളിച്ചടക്കലുകൾ ഒന്നുമില്ല .അങ്ങിനെ കഴിയുകയുമില്ല .മറ്റൊന്ന് പൂജ്യം ഒറ്റയ്ക്ക് നിൽക്കുമ്പോൾ മരണമല്ല പൂർണ്ണതയാണ് ,ശ്രീനാരായണഗുരുദേവൻ അകവും പുറവും തിങ്ങി നിറഞ്ഞ ചൈതന്യമെന്നാണ് അതിനെ പറയുന്നത് .ഞാതാവും അജ്ഞാതവുമായ ഏക പൂർണ്ണത അതുമാത്രമാണ് .പൂജ്യം അകവും പുറവും നിറഞ്ഞ ചൈതന്യമാണെ സത്യമാണെന്നിരിക്കെ തന്നെ പൂജ്യം മരണമാണെന്ന് സങ്കൽപ്പിക്കാൻ സ്വാതന്ത്ര്യമുണ്ട്. അത് തികച്ചും വൈയക്തികമാണ് .ഭാരതീയകാവ്യം പക്ഷെ ചൈതന്യഅഭിമുഖ്യത്തെയാണ് പ്രകടിപ്പിക്കുന്നത്. ആത്യന്തികമായി അത് പൂർണ്ണതയാണ് . പൂർണ്ണമദഃ പൂർണ്ണമിദം പൂര്ണാത് പൂർണ്ണമുദച്യതേ ,പൂര്ണസ്യപൂണ്ണമാദായ പൂർണ്ണമേവാവശിഷ്യതേ (ഉപനിഷത് ) ഈ വരികൾ നല്ല കവിതയല്ലേ????????????? അപാരേ കാവ്യ സംസാര കവിരേപ പ്രജാപതി
